اطباق و حلويات

اسهل طريقة لعمل مقلوبة الارز بكريات اللحم و البطاطا - 

لمقادير

• لحم مفروم
• 1 بصلة مبشورة
• 5 فصوص ثوم
• 2 م ك خبز يابس مطحون
• 1 حبة بيض
• 1 م ك طماطم مصبرة
• 2 حبات طماطم مبشورين
• 1 حبة بطاطا
• ارز بسماتي او مفور
• معدنوس
• ملح و توابل

: طريقة التحضير

لتحضير كريات اللحم نخلط جيدا اللحم المفروم مع البصلة المبشورة و 2 فصوص ثوم مبشور و المعدنوس و البيضة و الخبز اليابس المطحون و الملح و الفلفل الاسود و رأس الحانوت و الفلفل الاحمر

نبلل اليدين بالماء و نشكل الخليط كريات صغيرة ثم نقليهم في الزيت حتى يحمروا

بعد ما نقلي الكريات و ننزعهم نبشر في نفس المقلاة 3 فصوص ثوم و نقليهم قليلا

اضيف حوالي ملعقة كبيرة طماطم مصبرة و نقليها مع الثوم

اضيف 2 حبات طماطم مبشورة و نقليهم كذلك ثم اضيف معهم المعدنوس و الملح و الفلفل الاسود و راس الحانوت و الفلفل الاحمر و نخلطهم جيدا ثم نتركهم يتقلاو قليلا

اضيف حوالي نصف كأس ماء ثم نغطيها و اتركها حتى تخثر او تعقد قليلا

اغلي الارز في قدر فيه الماء و الملح و الكركم حتى يطيب تماما ثم نصفيه

اقطع البطاطا مكعبات و اضيف لها الملح ثم اقليها

بعد ما تخثر صوص الطماطم اضع فيها كريات اللحم و البطاطا المقلية و اتركهم حوالي 5 دقائق فوق النار

نفرغ خليط الصوص و كريات اللحم و البطاطا في اسفل قالب زجاجي او قدر و اضغط عليهم قليلا

ثم افرغ فوقهم الارز و يجب ان يكون كل شيء ساخن و اضغط عليهم جيدا

اتركه يرتاح لمدة 15 دقائق حتى يتماسك ثم اقلبه في صحن التقديم

نزينها بكمية من المعدنوس

و البصحة و الهنا

***************************************

بطاطا بالكريمة الطازجة في الفرن  

• 500غ بطاطا
• 1 ملعقة كبيرة جبن طري
• 2 حبات بيض
• 1 علبة كريمة طازجة الخاصة بالحلويات

نقشر الطاطا و نقطعها مكعبات و نغليها في الماء و الملح

نفصل صفار البيض عن البياض 

نضيف لبياض البيض قليل من الملح ثم نطلعه بالخلاط الكهربائي حتى يصبح مثل الثلج

نضيف لصفار البيض حوالي ملعقة كبيرة جبن طري و نخلطهم مع بعض بالشوكة

ثم نضيف معهم الكريمة الطازجة و الفلفل الاسود و الملح و نخلطهم جيدا

نضيف البطاطا مع خليط الكريمة الطازجة و نخلطهم مع بعض

نضيف لهم بياض البيض على دفعات مع الخلط بعد كل دفعة حتى يندمجوا مع بعض

نفرغ الخليط في قالب فرن مدهون بالزبدة ثم نغطيه بالجبن المبشور

ثم ندخله للفرن مسخن مسبقا على 180 درجة حتى يحمر الوجه و يتجمر 

بالصحة و الهنا

*********************************************************************************

غراتان الارز و الشفلور

لمقادير

• شفلور
• ارز مفور
• 1 ملعقة كبيرة زبدة
• 1 ملعقة كبيرة فرينة
• 1 ملعقة كبيرة جبن طري
• 1 او اكثر قليلا كأس حليب ساخن
• جبن مبشور
• ملح و فلفل اسود

****************

نقطع الشيفلور باقات و نغليه في الماء و الملح ثم نصفيه جيدا

نغلي الارز المفور كذلك في الماء و الملح ثم نغسله بماء بارد و نقطره جيدا

لعمل البيشاميل نضع الزبدة مع الفرينة فوق النار و نبقى نخلط حتى تتحمص الفرينة

ثم نضيف الحليب الساخن على دفعات مع الاستمرار في الخلط حتى ننهي كامل الحليب

نستمر في الخلط حتي يصبح الخليط املس

ثم نضيف ملعقة كبيرة جبن طري و الفلفل الاسود و قليل من الملح و نستمر في الخلط حتى يذوب الجبن قليلا

نخلط البيشاميل مع الارز و الشيفلور ثم نفرغهم في قالب فرن 

نغطيهم بالجبن المبشور ثم ندخله للفرن حتى يطيب و يحمر الوجه

بالصحة و الهنا

**************************************

غلاصاج شوكولا :

لمقادير

• 1 فنجان كاكاو
• 1 فنجان سكر
• 1 فنجان حليب
• 1 فنجان زيت

: طريقة التحضير

• نضع الكاكاو السكر و الحليب في وعاء و نخلطهم بخلاط الذراع حتى يتجانسوا
• ثم نبدأ باضافة الزيت بكميات قليلة و نخلط في نفس الوقت حتى الانتهاء من كامل كمية الزيت
• يتعمل هذا الخليط لتغطية الكيكات و البينيي و الكريب و الدونات و غيرهم من الحلويات

بسبوسة بدون دهون

لمقادير

• مقادير السيرو:
• 1 كأس سكر
• 2 كأس ماء
• قطعة ليمون او برتقال
• مقادير البسبوسة:
• 3 حبات بيض
• 5 م ك سكر
• 4 م ك سميد رقيق
• 2 م ك فرينة
• 1 خميرة الحلويات
• 1 سكر فانيليا

********************************************

: طريقة التحضير

تحضير السيرو

نضع السكر مع الماء و قطعة البرتقال او الليمون فوق نار هادئة يغلوا لمدة 10 دقائق ثم نطفئ النار و نتركه يبرد

اذا لم يتوفر البرتقال او اليمون نغلي السكر مع الماء فقط و لما نطفئ النار نضيف ملعقة فانيليا للسيرو

تحضير البسبوسة

نخلط جيدا بالـ batteur البيض مع السكر و سكر الفانيليا او اي نوع فانيليا حتى يصبح الخليط مثل الكريمة

نضيف السميد و نخلط ببطئ ثم نضيف الفرينة و خميرة الحلويات مغربلين

و نواصل الخلط بالملعقة من الاسفل للاعلى حتى ينسجموا كل المكونات مع بعض

نفرغ الخليط في قالب فرن مدهون بالزيت و ندخله للفرن على 180 درجة حتى تطيب و يحمر الوجه

بعد ما نخرجها من الفرن و هي ساخنة نسقيها بالسيرو بارد

نتركها تبرد تماما قبل تقطيعها و التزيين اختياري

بالصحة و الهنا

***********************************************************************

منشورة في: اطباق و حلويات